| Əsgərin
ariyası
Cahanın mahnısı
və rəqs
Süleymanın mahnısı
Mahnı
və rəqslər. Süleyman,
Cahan, Vəli)
Gülçöhrənin
ariyası
Tellinin nəğməsi
Əsgərin
nəğməsi
Qızların xoru
Əsgərin və Gulçöhrənin
dueti
Gülçöhrənin ariyası
Asya və Tellinin dueti
Əsgərin nəğməsi
Soltan bəyin mahnısı
Gülçöhrənin
nəğməsi
Asyanın
nəğməsi
Rəqs
Vəli
ilə Tellinin dueti
Gülçöhrənin
etirafı
Trio. Asya, Telli və Gülçöhrə
Gülçöhrənin
naləsi
Rəqs |
|
| GÜLÇÖHRƏ: |
Qız özü sənə gəlməzmi? |
| ƏSGƏR: |
Yəqin ki, gəlməz, çünki o bəy qızıdır. |
| GÜLÇÖHRƏ: |
Sən əvvəlcə qızdan soruş,
sonra de! Nə bilirsən gəlməz. |
| ƏSGƏR: |
Doğru buyurursan, xanım! Bəs elə isə, de görüm
mənə gələrsənmi? |
| GÜLÇÖHRƏ: |
(təəccüb ilə). Kim, mən? |
| ƏSGƏR: |
Bəli, sən. Mənim xoşladığım qız
bircə sənsən. |
| GÜLÇÖHRƏ: |
Mən elə bildim ki, özgə qızdır. |
| ƏSGƏR: |
Səndən başqa özgəsi ola bilməz. |
| GÜLÇÖHRƏ: |
Bəs sən məni bir kərə görməklə
xoşladın? |
| ƏSGƏR: |
Əlbəttə, xanım. Göz gördü, könül
sevdi. Gözüm səni görən kimi qəlbim
sevindiyindən çırpınmağa başladı. |
| GÜLÇÖHRƏ: |
(kənara). Vallah, mən də elə oldum. |
№
9. Əsgərin və Gulçöhrənin
dueti.
|
| ƏSGƏR: |
Öyrənib pürfənd
oldum.
Görənə rişxənd oldum.
Hər bir dərdə mən doldum – 2
Səni gördüm, bənd oldum.
Elə bənd oldum, elə bənd oldum,
Elə bənd oldum, dilbər.
Dura bilməm mən sənsiz. |
| GÜLÇÖHRƏ |
Heç kəsi mən
görməzdim – 2
Sirrimi söyləməzdim.
Nədir aşiq bilməzdim
Səni gördüm, bənd oldum,
Elə bənd oldum, elə bənd oldum.
Elə bənd oldum, dilbər,
Dura bəlməm mən sənsiz. |
| İKİSİ BİR
ERDƏ |
Kömək
etdi çün ol bəxt.
Gəldi çatdı
axır vaxt.
Özümü bildim xoşbəxt,
Səni gördüm bənd oldum,
Elə bənd oldum, elə bənd oldum.
Elə bənd oldum,
dilbər,
Dura bilməm mən sənsiz.
Elə bənd oldum, elə bən oldum,
Elə bənd oldum, dilbər,
Dura bilməm mən sənsiz. |
| ƏSGƏR: |
Xanım, mən sənə yaraşan
deyiləm. |
| GÜLÇÖHRƏ: |
Bilmirəm, amma xoşlamışam. |
| ƏSGƏR: |
Görünür
ki, doğru deyiblər. Qəlb-qəlbi istər,
xanım. |
| GÜLÇÖHRƏ: |
Mənə xanım
demə, adım Gülçöhrədir. |
| ƏSGƏR: |
Gülçöhrə,
bəs nə sayaq edək ki, atan səni mənə
versin. |
| GÜLÇÖHRƏ: |
Məni atamdan istə,
verər, verər. Verməz mən özgəsinə
ərə getmərəm. |
| ƏSGƏR: |
Çox əcəb.
Birdən atan səni güc ilə ərə
verər? |
| GÜLÇÖHRƏ: |
Güc ilə ərə
getmərəm. |
| ƏSGƏR: |
Səni zor ilə
qaçırarlar. |
| GÜLÇÖHRƏ: |
Özümü boğaram. |
| ƏSGƏR: |
Allah eləməsin.
İndi ki, belə oldu, qoy bir yaxşı fikirləşim,
görüm, bəlkə bir əlac taparam. İndi
sən get evə. Yoxsa bizi görərlər,
yaxşı olmaz. Xudahafiz. |
| GÜLÇÖHRƏ: |
Xudahafiz,
amma onu bil ki, sözüm sözdür (gedir). |
|
|
